مختلطة احاسيسى فى المرحلة دى مابين حب وكره وسلام وغضب و يأس وأمل وتكذيب وتصديق لكل حاجة فى الدنيا
بس الاكيد انى حاسس ان ضغوط الحياة كتيرة اوى...
كنت بهرب منها بيكى .
فعلا الحب جنون
بس احلى جنون فى الدنيا
لما اقعد كده مع نفسى ومعاكى وافتكر كلامنا وعمايلنا اتاكد ان فعلا الحب جنون مش بيخلى الانسان فى عقله الطبيعى ودى احلى حاجة فيها لانه بيوصل لمنتهى السعادة مع كل لحظة
تعرفى يا حبيبتى انتى انسانة جميلة اوى
بصراحة مش عارف ازاى استحملتينى الفترة دى كلها
مش عارف ازاى انا بحبك كده
ومش عارف انتى ليه حبتينى اصلا
بس اللى انا عارفة ان انا محظوظ اوى على وجودك فى حياتى
..........
ليه معاذ
لانه كان حلم ما بينا
رغم ان الحلم ده بدأت تتلاشى ملامحة
بس الحمد لله على كل حال
انا راضى بقضاء الله وقدره
... ليه معاذ لانه بيفكرنى دايما بيكى
وبيفكرنى بقد ايه وصل الحب ما بينا
ولان ده الحلم اللى هفضل اتمنى ان ربنا يحققوا ليا
.........
كنت زمان لما احب اتكلم معاكى امسك التيلفون فى اى وقت وبس اندهلك
كان صوتى بيوصل . لقلبك على طول . الاقيكى بترنى عليا
اقعد اقول سبحان الله هو فيه كده
كده لما بحس ان محتاجلك اوى الاقيكى بتيجى من غير ما اتكلم
لدرجة انى لو كنت بفكر فى حاجة بتضايقنى وقلبى بيقلق الاقيكى تيجى تطمنينى
دلوقتى الحال اتغير والدنيا اتغيرت بس انا قلبى لسه متغيرش
رغم التقلبات اللى بتحصل فيه ثوابت
والثابت هنا انى .... بحـــــــبـــــك
ليست هناك تعليقات:
إرسال تعليق