ممتن

 

هو إزاي الإنسان بيفضل ممتن للحظات طيبة في علاقة ما ؟!

(( لو كانَ بوسعِ المرء أن يغرسَ الخنجر في مخه ليقتطعَ الجزء الذي يحمل ذكريات معينة، لغدَت الحياة جنة ))

احمد خالد توفيق

... الفكرة ان لما بنعمل ذكرياتنا بنعتمد بشكل اساسي علي ادراكنا و طبيعتنا احنا ، أكتر ما بنعتمد علي حقيقة موقف .. فالذكري هي انعكاس مشاعرنا علي الاحداث اللي حوالينا .. و كل ما كانت مشاعرنا -احنا- صادقة كل ما كانت الذكري - بالنسبة لنا احنا - صادقة ، بغض النظر عن تفاصيلها الخارجية او الظروف اللي ورا الصورة ..

فيه جملة بتقول :

(( .. أنت تحّن لأنك صادق، يؤرقك التذبذب لأنك واضح، تهتم بالمعنى لأنك عميق ..فلأنك أكثر جدية، لأن مشاعرك حقيقية، لأنها ثابتة ! .. لا تتغير بفعل وقت أو موقف... ))

... فللأسف ،، يمكن فعلا الطرف التاني مكانش بيعيش اللحظة ديه بنفس درجة الحميمية ، يمكن كان بيتصنع الضحكة او بيزيف الوعد .. .. و مع كدة ، الانسان ميقدرش يلغي شعوره بحب حقيقي في لحظة سابقه تجاه اي شخص حتي و لو الشخص ده كان مخادع ، مطصنع ، مؤذي !! .. بس يقدر بالمنطق و نظرته المنصفة لذاته يدرك انه ميستحقش يكون في علاقة لا تليق به او بحبه ..

.. في النهاية ، إمتنان الانسان للحظات حقيقية في علاقة مؤذية ملوش اي علاقة بالطبيعة العلاقة ، قد ما هو معتمد بشكل اساسي علي درجة صدق و حسن نية مشاعر الانسان ..